لاہور( نیوز ڈیسک) حساس اداروں نے مبینہ خود کش حملہ آور اور اس کے گروہ سے متعلق اہم معلومات حاصل کر لیں ،مبینہ خود کش حملہ آور کالعدم سپاہ صحابہ اور کالعدم لشکری جھنگوی کا سر گرم رہنے کے بعد کالعدم تحریک طالبان کے ساتھ شامل ہوا جو جنوبی پنجاب میں تنظیم کے لئے بھرتی بھی کرتا تھا۔ ذرائع کے حوالے سے بتایا گیا ہے کہ گلشن اقبال پارک میں تحریب کاری کے واقعے کی تحقیقات میں پیشرفت ہوئی ہے جس میں مبینہ خود کش حملہ آور اور اسکے گروہ کے حوالے سے معلومات سامنے آئی ہیں۔ بتایا گیا ہے کہ مبینہ خود کش حملہ آورکالعدم سپاہ صحابہ اور کالعدم لشکری جھنگوی کا سر گرم رکن تھا اور بعد میں اس نے کالعدم طالبان میں شمولیت اختیار کر لی ۔اسی حملہ آور نے جنوبی پنجاب میں درجنوں لڑکوں کو کالعدم تحریک طالبان میں بھرتی کیا ۔حساس اداروںنے تحقیقات میں پیشرفت کے بعد چھاپہ مار کارروائیوں کا دائرہ وسیع کر دیا ہے جسکے تحت آنے والے دنوں میں جنوبی پنجاب کے مختلف حصوں سے مزید گرفتاریاں متوقع ہیں۔