گلگت(نیوزڈیسک) وفاقی وزارت داخلہ نے گلگت ¾بلتستان حکومت کو خبردار کیا ہے کہ عسکریت پسند ضلع دیامیر میں حملے کر سکتے ہیں۔نجی ٹی وی کے مطابق وزارت داخلہ نے مشورہ دیا ہے کہ گلگت بلتستان پولیس سرکاری تنصیبات اور قراقرم ہائی وے پر سیکیورٹی مزید سخت کر دے۔وزارت نے ایک خط کے ذریعے گلگت-بلتستان حکومت کوآگاہ کیا کہ کالعدم تحریک طالبان پاکستان دیامیر میں حملوں کی منصوبہ بندی کر رہی ہے۔خط کے مطابق طالبان ضلع میں پولیس تنصیبات اور قراقرم ہائی وے پر اہم شخصیات کو ہدف بنا سکتے ہیں لہذا مقامی پولیس ہائی وے کے داخلی اور خارجی راستوں پر سخت سیکیورٹی کے ساتھ ساتھ مسافروں پر نظر رکھے۔ایک پولیس افسر نے نام نہ ظاہر کرنے کی شرط پر بتایا کہ گلگت-بلتستان کے انسپکٹر جنرل ظفر اقبال اعوان نے دیامیر کے ڈپٹی کمشنر عثمان احمد اور ایس پی کو خطرے سے متعلق آگاہ کر دیا ہے۔