سوات (نیوز ڈیسک) سوات شہر اور گرد و نواح میں زلزلے کے جھٹکے محسوس کئے گئے ریکٹر سکیل پر زلزلے کی شدت 4.4 جبکہ گہرائی 174 کلومیٹر ریکارڈ کی گئی۔ تفصیلات کے مطابق اتوار کے روز سوات سے خیبر پختونخوا کے ملحقہ علاقوں میں زلزلے کے جھٹکے محسوس کئے گئے۔ زلزلے کے خوف سے لوگ اپنے گھروں سے باہر نکل آئے اور اللہ سے توبہ اور کلمہ کا ورد کرنا شروع کر دیا۔ زلزلہ پیما مرکز کے مطابق زلزلے کی شدت 4.4 ریکارڈ کی گئی جبکہ زلزلے کا مرکز کوہ ہندو کش کا پہاڑی سلسلہ تھا جس کی گہرائی 174 کلومیٹر تھی۔ زلزلے میں کسی بھی قسم کا جانی اور مالی نقصان نہیں ہوا