لندن( نیوز ڈیسک)ایم کیو ایم کے قریبی ذرائع نے انکشاف کیا ہے کہ الطاف حسین اپنے جانشین کی نامزدگی کے حوالے سے سنجیدگی سے غور کر رہے ہیں اور امکان ہے کہ الطاف حسین جلد ہی اس سلسلے میں ڈاکٹر فاروق ستار کا نام اناؤنس کریں گے۔ ذرائع کے مطابق اس وقت ایم کیو ایم کے اندر شدیدتوڑپھوڑ ہو رہی ہے اور ایم کیو ایم کی قیادت اس وقت مصطفی کمال کی بغاوت سے شدید پریشان ہیں اور ان کے خیال میں اگر الطاف حسین کی وفات ہو جاتی ہے تو جانشینی کے حوالے سے خونریزی کا امکان ہے اور ایم کیو ایم کے اندر بہت سے دھڑے بن جائیں گے جس کی وجہ سے ملکی سیاست میں ایم کیو ایم کی جو جگہ ہے وہ ختم ہو جائے گی۔ ان تمام حالات کو دیکھتے ہوئے الطاف حسین پر شدید دباؤ ہے کہ وہ اپنے جانشین کا اعلان کر دہیں۔ اس وجہ سے امکان ہے کی الطاف حسین پارٹی بچانے کے لئے جلد ہی فاروق ستار کا نام اپنے جانشین کے طور پر اناؤنس کریں گے۔