لاہور(نیوز ڈیسک) پنجاب پولیس دیسی کھابوں کی شوقین نکلی لیکن اپنی نہیں بلکہ ملزموں کی جیب سے تھانہ مصطفیٰ آباد میں بند ملزم سے دیسی مرغا کھانے کی فرمائش کر دی۔ مرغا پہنچا تو میڈیا بھی آن دھمکا۔ پولیس والے کیا کرتے، بیچارے مرغے کو حوالات میں بند کر دیا اور خود رفو چکر ہو گئے۔ کارکردگی میں برا حال لیکن دوسروں کی جیب سے مال اڑانے میں بے مثال، پنجاب پولیس نے تھانوں میں بھی ُپرتکلف دستر خوان سجانے شروع کر دیے۔ کاہنہ کے تھانہ مصطفیٰ آباد میں اہلکاروں کو بیٹھے بٹھائے دیسی مرغا کھانے کی سوجھی، پھر کیا تھا منٹ نہ لگایا اور حوالات میں بند ملزم سے فوری طور پر دیسی مرغا منگوانے کی فرمائش کر دی۔ مرغا تھانے پہنچا تو میڈیا نمائندے بھی آن دھمکے اور قانون کے رکھوالوں کی ُپرتکلف تقریب مایوسی میں بدل کر رکھ دی۔ پولیس اہلکار بیچارے کیا کرتے، مرغے کو حوالات میں بند کرکے خود رفو چکر ہونے میں ہی عافیت جانی۔