لاہور (نیوزڈیسک ) وہاڑی سے مسلم لیگ (ن) کے رکن پنجاب اسمبلی ارشاد احمد کو نااہل قرار دینے کیلئے لاہور ہائیکورٹ سے رجوع کر لیا گیا۔وہاڑی کے فضل الرحمن نے شہزاد شوکت ایڈووکیٹ کی وساطت سے لاہورہائیکورٹ میں درخواست دائر کی جس میں موقف اختیار کیا گیا ہے کہ رکن پنجاب اسمبلی ارشاد احمد کی پنجاب یونیورسٹی سے حاصل کردہ بی اے کی ڈگری جعلی ہے، جلی ڈگری کی بنیاد پر الیکشن میں حصہ لینے پر ارشاد احمد آرٹیکل 63،62 پر پورا نہیں اترتے۔ لہٰذا معزز عدالت سے استدعا ہے کہ ارشاد احمد کو نااہل قرار دینے کا حکم دیا جائے۔