لاہور (نیوزڈیسک )معروف کمپنی لاہور شہر میں اپنی طرز کی پہلی اور منفرد ٹیکسی سروس کا آغاز کر رہی ہے جس کا باقاعدہ افتتاح16 فروری کو کیا جائے گا۔ ابتدائی طور پر 100 گاڑیوں پر مشتمل ”اے ٹیکسی“ سروس کو شہری گھر بیٹھے استعمال کر سکیں گے۔ میٹر تک رسائی کی وجہ سے متعین کردہ ریٹ کے مطابق شہری خود کرایہ کا حساب لگا سکیں گے۔ جبکہ سروس کو مزید آسان بنانے کے لیے اینڈرائیڈ فون ایپ بھی متعارف کرائی جا رہی ہے۔ دوران سفر جی پی ایس سسٹم کی مدد سے سفر کی درست سمت کا تعین بھی کیا جا سکے گا۔ 24 گھنٹے سروس فراہم کرنے کے لیے ہیلپ لائن متعارف کرائی گئی ہے جبکہ شہر بھر میں اہم مقامات پر ٹیکسی سٹینڈز بھی قائم کیے جا رہے ہیں۔