لاہور( نیوز ڈیسک) وفاقی وزیر پانی و بجلی خواجہ آصف کی ہدایت پر لیسکو نے مسلم لیگ ن کے این این اے و ایم پی اے افضل کھوکھر اور سیف الملکوک کھوکھر کے کھوکھرپیلس لاہور کی بجلی کاٹ دی۔ تفصیلات کے مطابق لیسکو حکام نے نادہندگی پر این اے 128 لاہور سے ن لیگ کے ایم این اے افضل کھوکھر اور ایم پی اے سیف الملوک کھوکھر کے گھر کی بجلی کاٹ دی ہے۔ لیسکو حکام کا کہنا ہے کہ لیگی اراکین اسمبلی کے گھر کی بجلی کاٹنے سے پہلے وفاقی وزیر پانی و بجلی خواجہ آصف کے علم میں سارا معاملہ لایا گیا تھا اور انہی کی ہدایت پر کھوکھر پیلس کی بجلی کاٹی گئی ہے۔ دونوں اراکین اسمبلی نے گزشتہ کئی ماہ سے بجلی کا بل ادا نہیں کیا اور لیسکو کے 40 لاکھ روپے کے نادہندہ ہیں۔