لاہور (نیوز ڈیسک ) لاہور کا موسم بدستور خشک اور سرد ہے۔ یہ سلسلہ ا?ئندہ 4 سے 5 روز بھی جاری رہے گا ، بارش کا کوئی امکان نہیں۔ صوبائی دارالحکومت لاہور میں صبح کا آغاز ہلکی ہوا اور سورج کے دیدار سے ہوا تاہم سویرے سویرے سردی کا احساس بھی برقرار رہا۔ محکمہ موسمیات کے مطابق آئندہ چوبیس گھنٹے کے دوران بھی شہر کا موسم سرد اور خشک ہی رہے گا اور بارش ہونے کا کوئی امکان نہیں یہ سلسلہ آئندہ چار سے پانچ روز برقرار رہے گا جب کہ کم سے کم درجہ حرارت 7 ڈگری سینٹی گریڈ اور زیادہ سے زیادہ 23 ڈگری سینٹی گریڈ ریکارڈ کیا جائے گا۔ ہوا میں نمی کا تناسب 86 فیصد رہے گا۔