لاہور(نیوزڈیسک)تحریک انصاف کی قیادت نے حکومت مخالف بننے والے اپوزیشن جماعتوں کے کسی بھی اتحاد میں پیپلز پارٹی کی شمولیت پر اپنے شدید تحفظات کا اظہار کردیا ۔ ذرائع کے حوالے سے بتایاگیا ہے کہ تحریک انصاف کی قیادت نے مسلم لیگ (ق) کی قیادت سے کہا ہے کہ پیپلزپارٹی اور حکومت ایک ہیں ۔ اپوزیشن جماعتوں کے حکومت مخالف بننے والے کسی بھی اتحاد میں پیپلز پارٹی کی طرف سے پہلے تو شمولیت کی جا سکتی ہے لیکن بعد ازاں اتحاد سے لا تعلقی سے مسائل پیدا ہو سکتے ہیں اس لئے کسی بھی حکومت مخالف اتحاد میں پیپلز پارٹی کو شامل کرنے کے حوالے سے احتیاط برتنے کی ضرورت ہے ۔