لاہور(نیوز ڈیسک)قومی ایئر لائن پی آئی اے کی مجوزہ نجکاری کے خلاف ملازمین کا احتجاج تیسرے روز بھی جاری ہے، ملازمین کا کہنا ہے کہ جب تک حکومت اپنا فیصلہ واپس نہیں لیتی ، احتجاج جاری رکھیں گے۔قومی ایئر لائن کی مجوزہ نجکاری کے خلاف ملازمین تین روز سے سراپا احتجاج ہیں ،لاہور میں ایجرٹن روڈ پر واقع ریجنل آفس کے ملازمین تیسرے روز بھی ہڑتال پر ہیں۔پی آئی اے ملازمین کا کہنا ہے کہ قومی ایئر لائن کی نجکاری کا فیصلہ کسی صورت قابل قبول نہیں، جب تک حکومت اپنا فیصلہ واپس نہیں لے گی احتجاج جاری رکھا جائے گا۔ریجنل آفس میں احتجاج اور ہڑتال کے باعث ٹکٹ آفس آنیوالے مسافروں کو شدید پریشانی کا سامنا کرنا پڑ رہا ہے