اسلام آباد (نیوز ڈیسک )وفاقی تحقیقاتی ادارے کی انسانی سمگلرز کے کیخلاف کارروائیاں جاری دو مختلف کارروائیوں میں ایف آئی اے نے 3انسانی سمگلرز کو گرفتار کر لیا ہے ،تفتیش کے لیے نامعلوم مقام پر منتقل کر دیا گیا ہے ۔ میڈیا رپورٹس کے مطابق ایف آئی اے نے چناب نگر لالیاں میں کارروائی کر کے انسانی سمگلر رفیع احمد کو گرفتار کر لیا ہے ملزم غیر قانونی طریقے سے لوگوں کو بیرون ملک بھجواتا تھا ،ملزم کے قبضے سے تین پاسپورٹ برآمد ہوے ہیں جبکہ ایف آئی نے لاہور میں کارروائی کرتے ہوئے دو اشتہاری انسانی سمگلرز کو گرفتار کیا ہے ملزمان محمد حنیف اور امجد حسین لوگوں سے فراڈ اور غیر قانونی طریقے سے لوگوں کو بیرون ملک بھجوانے میں ملوث ہونے پر ایف آئی اے کو مطلوب تھے ، رپورٹس کے مطابق دنوں کاررائیاں ایف آئی اے کے پاسپورٹ سیل نے کی ہیں اور ملزمان کو تفتیش کے لیے نامعلوم مقام پر منتقل کر دیا گیا ہے جہاں مزید تفتیش کا عمل جاری ہے ۔