اسلام آباد (نیوزڈیسک)پاکستان تحریک انصاف کے چیئر مین عمران خان نے انکشاف کیا ہے کہ ان کے شوکت خانم ہسپتال لاہور میں چند سال قبل طالبان رہنما کابھی علاج ہوا تھا اور کہا ہے کہ اگر شادی کی ناکامی کو سیاست کی ناکامی قرار دیا جائے تو قائد اعظم ٗمہاتما گاندھی اور نیلسن منڈیلا کی شادیوں کی ناکامی کو کیانام دیا جائیگا ؟تیسری شادی کا ابھی فیصلہ نہیں کیا تاہم اگر فیصلہ کیا تو اس کے سیاست پر اثرات کو نہیں دیکھونگا ۔پاکستان تحریک انصاف کے چیئر مین عمران خان نے ایک انٹرویو کے دور ان انکشاف کیا کہ شوکت خانم ہسپتال لاہور میں چند سال قبل ایک افغان طالبان رہنما کا علاج کیا گیا ہے اس بات کامجھے تب چلا جب طالبان کی جانب سے شکریہ کا لیٹر موصول ہوا ۔ریحام خان سے طلاق کے بعدپیدا ہونے والی صورتحال کے حوالے سے سوال پر عمران خان نے کہاکہ میں اپنی ذاتی زندگی بارے کوئی بات نہیں کہنا چاہتا اور جہاں تک ریحام خان کا تعلق ہے تو وہ بھی کوئی بات کر نے میں آزاد ہے ۔2015کا سال میرے لئے مشکل سال رہا ہے تاہم یہ کہنا درست نہیں کہ اگر میری شادی ناکام ہوئی ہے تو میں ایک ناکام سیاستدان ہوں ۔تاریخی طورپر اگر دیکھا جائے تو قائد اعظم محمد علی جناح بھی اس حوالے سے کامیاب نہیں رہے جبکہ مہاتما گاندھی اور نیلسن منڈیلا کو بھی ناکام سیاستدان قرار دینا پڑے گا کیونکہ نیلسن منڈیلا کی تو 80سال کی عمر میں کی گئی تیسری شادی کامیاب رہی ہے ۔ریحام خان سے شادی کی ناکامی کے سیاست پر اثرات کے بارے میں سوال پر انہوں نے کہاکہ ابھی تک میں نے یہ فیصلہ نہیں کیا کہ مجھے ایک اور شادی کرنا ہے یا نہیں تاہم اگر تیسری شادی بھی میں نے کی تو یہ نہیں دیکھوں گا کہ اس کے سیاست پر کیا اثرات پڑتے ہیں ۔