لاہور(نیوز ڈیسک) اجتماعی زیادتی کا نشانہ بننے والی لاہور کی طالبہ اور مرکزی ملزم کا بیان ریکارڈ نہ ہو سکا،عدالت نے مرکزی ملزم عدنان ثنا اللہ کے وکیل کی عدم حاضری پر سماعت آج( جمعرات ) کیلئے ملتوی کردی ۔گزشتہ روز کینٹ کچہری میں مجسٹریٹ ذکا ءاللہ کی عدالت میں بیان ریکارڈ کرانے کے لئے طالبہ صبح ہی پہنچ گئی جبکہ پولیس مرکزی ملزم عدنان ثناءاللہ کو چاردسے چہرہ ڈھانپ کر لے آئی ،ملزم اور مدعی گروپ کے عدالت میں داخلے کے بعد دروازہ بند کردیا گیا ۔سماعت پرطالبہ اورعدنان ثنا اللہ کا بیان مرکزی ملزم کے وکیل کی عدم پیشی کے باعث ریکارڈ نہ ہوسکا،جس پرمجسٹریٹ نے سماعت آج ( جمعرات ) کیلئے ملتوی کردی ۔