لاہور(نیوزڈیسک) وزیر قانون پنجاب رانا ثنا اللہ نے پنجاب میں داعش کی موجودگی کی سرکاری سطح پر تصدیق کر دی گئی۔راناثناءاللہ نے لاہور میں پریس کانفرنس کرتے ہوئے کہا ڈسکہ سے گرفتار دہشت گردوں نے وائبر پر بیرون ملک امیر معاویہ نامی شخص سے رابطہ کیا۔ شام جانا چاہتے ہیں لیکن اڑنے سے پہلے پر کاٹ دیئے۔ ان کا مزید کہنا تھا داعش کے کارکنوں نے کچھ لوگوں کو خلافت کے قیام پر قائل کیا۔ واضح رہے آج کاو¿نٹر ٹیررازم ڈیپارٹمنٹ نے سیالکوٹ کی تحصیل ڈسکہ میں جنرل بس اسٹینڈ کے گردونواح میں کارروائی کی اور چھ دہشتگردوں کو گرفتار کر لیا۔ سی ٹی ڈی ذرائع کا کہنا ہے کہ پکڑے جانے والے افراد کا تعلق داعش سے ہے اور یہ ڈسکہ میں دہشتگردی کی پلاننگ کر رہے تھے۔