اسلام آباد (نیوز ڈیسک )اسلام آبادمیں تحریک انصاف نے ن لیگ کی کشتی کوڈبودیا،بڑے بڑے برج الٹ ڈالے ۔اسلام آبادمیں ہونے والے بلدیاتی انتخابات کے غیرحتمی اورغیرسرکاری نتائج آنے کاسلسلہ جاری ہے ۔ابتدائی غیرسرکاری اورغیرحتمی نتائج کے مطابق اسلام آباد کی 550 نشستوں میں سے43 نشستوں کے نتائج موصول ہو گئے ہیں جن کے مطابق پاکستان تحریک انصاف نے 30 ،ن لیگ نے 8،پیپلز پارٹی 1اور 4 نشستوں پر آزاد امیدوار کامیاب ہوئے ہیں ۔ انتخاب کے دوران 300جنرل کونسلز کی نشستوں سے5 امید وار بلا مقابلہ کامیاب ہوئے ہیں۔10یونین کونسلوں میں سے 10اقلیتی امید وار بلا مقابلہ منتخب ہو ئے جبکہ 13اقلیتی نشتوں پرکسی بھی جماعت یاکسی بھی شہری نے ذاتی طورپرحصہ نہیں لیاہے جس کی وجہ سے یہ نشتیں خالی قراردی گئی ہیں ۔ اسلام آباد میں 550 نشستوں پر دو ہزار 396 امیدواروں نے حصہ لیا۔ یونین کونسلز چیئر مین کے لئے 255 جنرل نشستوں پر ایک ہزار 210، خواتین کی نشستوں پر351 ، کسان اور مزدوروں کی نشستوں پر 248 امیدوار میدان میں ہیں۔ نوجوانوں کی نشستوں پر 230 اور اقلیتی نشستوں پر 102 امیدوار معرکے میں شامل ہیں۔112 انتہائی حساس پولنگ سٹیشنز پر پاک فوج اور پولیس کو تعینات کیا گیا۔ خواتین کے پولنگ سٹیشنز پر ایک ہزار خواتین سیکیورٹی اہلکار بھی تعینات کی گئیں۔ سیکیورٹی کے سخت انتظامات کی وجہ سے پولنگ کا انعقاد انتہائی پر سکون ماحول میں ہوا تاہم ٹرن آوٹ فیصد رہا۔ان انتخابات میں سینیٹرسید ظفرعلی شاہ ،وزیرمملکت طارق فضل چوہدری کے قریبی عزیزسمیت کئی بڑے بڑے سیاستدان اوران کے رشتہ دارہارگئے ۔