اسلام آباد(نیوز ڈیسک) این اے 125 میں انگوٹھوں کے نشانات کی تصدیق کیخلاف سپریم کورٹ نے خواجہ سعد رفیق کی درخواست غیر موثر قرار دے دی۔عدالت کے روبرو خواجہ سعد رفیق کی جانب سے موقف اختیار کیا گیا تھا کہ ٹربیونل نے این اے 125 کے انگوٹھوں کے نشانات کی تصدیق کا حکم قانون کے تحت جاری نہیں کیا صرف ایک فریق کو فائدہ پہنچانے کے لیے ٹربیونل چند پولنگ سٹیشنز کا ریکارڈ کھولنے کاحکم دیا ہے لہذا ٹربیونل نے جو چند پولنگ سٹیشنزکی تحقیقات کاحکم دیا ہے اسے کالعدم قرار دیا جائے۔ جسٹس میاں ثاقب نثارکے مطابق اب ٹربیونل کاحتمی فیصلہ آچکا ہے لہذا حتمی فیصلہ سپریم کورٹ کرے گی۔ کیس کی سماعت سپریم کورٹ لاہور رجسٹری میں جسٹس میاں ثاقب نثار کی سربراہی میں دو رکنی بینچ نے کی۔