لاہور(این این آئی) مقامی عدالت نے مسلم لیگ (ن) کے رکن قومی اسمبلی ملک ریاض کو قتل کیس میں بری کردیا۔سیشن عدالت نے این اے 118 سے مسلم لیگ (ن)کے ایم این اے ملک ریاض کو قتل کیس میں بری کر دیا۔ ملک ریاض، ان کے بھائی ملک ابرار اور شیخ ندیم کیخلاف 2005 میں شرافت نامی شخص کے قتل کا مقدمہ درج ہوا تھا۔سیشن عدالت نے کیس کی سماعت مکمل کرتے ہوئے ملک ریاض اور ان کے بھائی ملک ابرار کو بری کرنے کا حکم سنایا جبکہ مرکزی ملزم شیخ ندیم کو عمر قید کی سزا سنادی گئی ۔سماعت کے بعد میڈیا سے گفتگو کرتے ہوئے ملک ریاض کے وکیل کا کہنا تھا کہ ملک ریاض کا نام سیاسی بنیادوں پر مقدمے میں شامل کیا گیا تھا۔