ڈیرہ اسماعیل خان (نیوزڈیسک)پاکستان تحریک انصاف کے چیئرمین عمران خان نے کہاہے کہ ملک میں زیادہ درخت لگا کر گلوبل وارمنگ کو روکا جاسکتا ہے , خیبر پختونخوا میں2018تک ایک ارب بیس کروڑ درخت لگائیں گے ۔ڈیرہ اسماعیل خان میں شجر کاری مہم کا افتتاح کرنے کے بعد میڈیا سے بات کرتے ہوئے عمران خان نے کہاکہ موسمیاتی تبدیلی کے باعث دنیا کے کئی ممالک متاثر ہورہے ہیں اور پاکستان ان 10 ممالک میں شامل ہے جو گلوبل وارمنگ سے سب سے زیادہ متاثر ہے , خیبرپختونخوا حکومت 5 سال کے دوران صوبے میں ایک ارب 20 کروڑ درخت لگائے گی اور یہ ٹارگٹ 2018 تک پورا کرلیا جائے گا,اب تک 10 کروڑ درخت لگائے جاچکے ہیں۔انہوں نے کہا کہ کوئی بھی ادارہ اگرچاہے تو خیبرپختونخوا میں لگائے گئے درختوں کو آکر دیکھ سکتا ہے یہ کوئی دعویٰ نہیں بلکہ حقیقت ہے جب کہ قبضہ کی گئی زمینیں واگزارکرا کرجنگلات لگارہے ہیں اورسیٹیلائٹ کے ذریعے جنگلات کی مانیٹرنگ بھی کی جائے گی، اسی کے ساتھ صوبے میں ٹمبر مافیا کے خلاف مسلح فورس بھی بنارہے ہیں۔ خیبر پختونخوا میں2018تک ایک ارب بیس کروڑ درخت لگائیں گے جبکہ پانچ سال میں ایک ارب درخت لگائے جائیں گے۔ انہوں نے کہا کہ ایک ارب درخت لگانے کے منصوبے کو عالمی پذیرائی ملی ہے۔انہوں نے اپیل کی کہ جو لوگ پنی زمینوں میں درخت کاشت کروانا چاہتے ہیں وہ متعلقہ حکام سے رابطہ کریں جبکہ انہوں نے یہ بھی بتایا کہ یہ تمام درخت ان علاقوں میں اگائے جا رہے ہیں جہں سیم ہے یا پھر زمین بنجر ہے۔اس حوالے سے مختلف اقسام کے مخصوص درخت کاشت کیئے جا رہے ہیں جو نہ صرف زمین کا بنجر پن اور سیم ختم کریں گے بلکہ ان میں زمین کو قابل کاشت بنانے کی خصوصیات بھی شام ہیں ۔انہوں نے کہا کہ ٹمبر مافیا سے نبردآزما ہونے کیلئے ایک نئی فورس کی تشکیل کی جائے گی اور صوبائی محکمہ جنگلات کی جتنی بھی زمین پر قبضے کیئے گئے ہیں وہ ساری واگزار کرا کے ان پر جنگل اگائے جائیں گے۔