لاہو(نیوزڈیسک)وزیراعلیٰ پنجاب شہباز شریف کا کہنا ہے کہ وزیراعظم نواز شریف کی قیادت میں ڈھائی برس کے دوران اہم کامیابیاں حاصل کی ہیں اور آئندہ ڈھائی برس میں عوامی خدمت کے ریکارڈ قائم کریں گے ۔
لاہور میں وزیر اعلی ٰ بلوچستان عبدالمالک نے شہبازشریف سے ملاقات کی جس میں سیاسی صورتحال پر تبادلہ خیال کیا گیا ۔ وزیر اعلی ٰ بلوچستان نے بلدیاتی ایکشن میں نون لیگ کی کامیابی پر شہبازشریف کو مبارکباد دی ۔ وزیراعلیٰ پنجاب نے سوشل میڈیا پر ویڈیو میسج کے ذریعے عوام سے براہ راست رابطہ کیا ،عوام کے مسائل سنے اور ان کے حل کیلئے احکامات جاری کئے۔ انکا کہناتھاکہ 8 برس قبل پنجاب ایجوکیشنل انڈومنٹ فنڈ کی بنیاد رکھی تھی جس کا حجم آج 16 ارب روپے ہو چکا ہے۔وزیراعلیٰ پنجاب سے خواتین کے وفد نے بھی ملاقات کی ، وزیر اعلی کا کہنا تھا کہ تحریک پاکستان میں خواتین کا کردار سنہری حروف میں لکھا گیا ہے،حکومتی بورڈز میں خواتین کا کوٹہ 33 فیصد مقرر کیا گیا ہے۔