کراچی(نیوز ڈیسک) پاکستانی صوبہ سندھ کے سب سے بڑے صنعتی شہر کراچی کے لنڈا بازار میں آتشزدگی کا واقعہ پیش آیا ہے ۔ذرائع کے مطابق واقعہ کراچی کی آگرہ تاج کالونی میں صبح کے وقت پیش آیا۔عینی شاہدین کے مطابق ابتدائی طورپر لگنے والی معمولی نوعیت کی آگ کولوگوں نے اپنی مدد آپ کے تحت بجھانے کی کوشش کی ۔کراچی کے لنڈے بازار میں لگنے والی آگ نے جلد ہی نزدیکی دکانوں کو اپنی لپیٹ میں لے لیا جس کے باعث فائر بریگیڈ سے مدد طلب کی گئی ۔آگ بجھانے کیلئے فائر بریگیڈ کی چھ گاڑیوں نے موقع پر پہنچ کر کارروائیوں کا آغاز کردیا ہے ۔