اسلام آباد(نیوزڈیسک) وزیرداخلہ چوہدری نثار نے پاسپورٹ کی ہوم ڈلیوری سروس کے آغاز کا اعلان کردیا ہے۔ تفصیلات کے مطابق وزیرداخلہ چوہدری نثار کی جانب سے پاسپورٹ کی ہوم ڈلیوری سروس کے آغاز کا اعلان کردیا گیا ہے۔نادرا ہیڈ کوارٹر میں پریس کانفرنس کرتے ہوئے وزیر داخلہ کا کہنا تھا کہ اگلے برس مارچ تک شناختی کارڈ کے اجرءکا مرحلہ مکمل طور پر آن لائن کر دیا جائے گا۔ جبکہ آئندہ چار ماہ میں پاسپورٹ کی ہوم ڈلیوری سروس کا بھی آغاز کردیا جائے گا۔ یہ سروس شروع میں راولپنڈی اسلام آباد کےلئے ہوگی اور پاسپورٹ ڈیلوری فیس 200 روپے ہو گی۔