لاہور/اوکاڑہ((نیوزڈیسک)وزیر قانون پنجاب راناثناء اللہ خان نے کہا ہے کہ کر نل (ر) شجاع خانزادہ کے قاتل گر فتار ہوچکے ہیں مگر تفتیش کی وجہ سے ان کے ناموں کو ظاہر نہیں کیا جارہا ‘بلاول بھٹو کو پنجاب کے بلدیاتی انتخابات میں نتائج دیکھ کر اپنے سیاسی قد کا اندازہ ہو جائے گا‘ پیپلزپارٹی چور مچائے شور کی پا لیسی چھوڑ دے‘ تحریک انصاف کو ضمنی انتخابات میں واضح شکست نظر آرہی ہے اسی وجہ سے دھاندلی کا شور مچا رہے ہیں ‘پنجاب میں جن کو بھی دہشت گردوں کی دھمکیاں مل رہی ہیں ان کو سیکورٹی فراہم کی جا رہی ہے ۔ میڈیا سے گفتگو میں وزیر قانون پنجاب راناثناء اللہ خان نے کہا ہے کہ پنجاب کے کسی منصوبے میں ایک روپے کی بھی کر پشن نہیں کی گئی۔