کہا کہ میں بھاگ کر جدہ یا لندن نہیں جاﺅنگا ۔ الیکشن لڑینگے اور اس حوالے سے بھرپور تیاری کررہے ہیں اب تحریک انصاف 2013ءکی تحریک انصاف نہیں بلکہ 2015ءکی ہے اس میں زمین آسمان کا فرق آگیا ہے لیکن ہم چاہتے ہیں کہ وہ لوگ جو 2013ءکے انتخابات میں ذمہ دار تھے اور اتنا بڑا حادثہ کیا وہ وہیں کے وہیں بیٹھے رہیں، یہ مناسب نہیں ہے، عمران خان نے کہا ہے کہ حکومت کو چار حلقے کھولنے کا کہا تھا تاکہ جو غلطیاں سامنے آئیں ان کی اصلاح کی جائے تاکہ آئندہ انتخاب میں ایسا نہ ہوں ہمارا موقف درست ثابت ہوگیا ہے۔ انہوں نے کہا کہ ہم نے باقاعدہ طور پر تحریک انصاف کے پولنگ ایجنٹوں کو ٹریننگ دے رہے ہیں ضمنی انتخاب میں اب وہ نہیں ہوگا جو 2013ءمیں ہوا تھا، ایک اور سوال کے جواب میں انہوں نے کہا کہ ججز کی طاقت ڈنڈے کے زور پر نہیں ہوتی اخلاق پر ہوتی ہے۔ انہوں نے کہا کہ خیبرپختونخوا میں جب بلدیاتی انتخابات ہوئے جن لوگوں نے پارٹی ڈسپلن کی خلاف ورزی کی ان کیخلاف سخت کارروائی کر کے انہیں پارٹی سے نکالا جارہا ہے۔ تحریک انصاف ایک صوبائی بورڈ بنا رہی ہے جو مخصوص نشستوں اور رشتہ داروں سے متعلق فیصلہ کریگا ، موروثی سیاست کو پروان نہیں چڑھائینگے۔