اسلام آبا(نیوز ڈیسک) تحریک انصاف کے چیئرمین عمران خان نے افغان حکومت اورطالبان کے درمیان مذاکرات عمل کے آغازپراپنے ردعمل کااظہارکرتے ہوئے کہاہے کہ انتہائی تعجب کی بات ہے جب انھوں نے امن مذاکرات کی تجویز پیش کی توانھیں سخت تنقیدکانشانہ بنایاگیا۔سماجی رابطے کی ویب سائٹ پراپنے پیغام میں انھوں نے کہاکہ ان کی جانب سے امن مذاکرات کی تجویزپرتوانھیں تنقیدکانشانہ بنایاگیاتاہم اب امریکا کی منظوری سے پاکستان افغان حکومت اورطالبان کے درمیان بات چیت کے عمل کی میزبانی میں مصروف ہے۔دریں اثنا عمران خان نے وفاقی دارالحکومت میں حادثے کے نتیجے میں شہریوں کی ہلاکت پرانتہائی رنج اوردکھ کااظہارکرتے
ہوئے اپنے تعزیتی پیغام میں کہاکہ بڑھتے ہوئے ٹریفک حادثات اورشہریوں کی اموات کی شرح میں اضافہ انتہائی تشویشناک ہے، حکومت کے فرائض میں شامل ہے کہ وہ نقل وحمل کے ذرائع محفوظ بنانے کے لیے موثراقدام کرے۔