لاہور(نیوزڈیسک)عابد شیرعلی عمرا ن خان پربرس پڑے , واپڈ ا ہاوس لاہورمیں پریس کانفرنس سے خطاب کرتے ہوئے وزیر مملکت پانی و بجلی عابد شیر علی کا کہنا تھا کہ وفاقی حکومت ٹرانسمیشن لائن اور گرڈ اسٹششز کو ٹھیک کرنے اورا نکی استطاعت بڑھانے کے لئے کوشاں ہے 2016 تک سسٹم اکیس ہزار میگاواٹ بجلی کے قابل ہو جائے گا۔ انہوں نے کے پی کے میں بجلی کی لوڈشیڈنگ کی ذمہ دار صوبائی حکومت قراردیدیا۔ کہتے ہیں کہ چون کروڑ روپے صوبائی حکومت کے اکاونٹ میں دو سال پڑے رہے مگر چکدرہ گرڈ اسٹیشن کے لئے جگہ نہیں دی گئی۔ عابد شیر علی کا کہنا تھا کہ 2017 تک لوڈشیڈنگ کا خاتمہ کر دیا جائے گا جبکہ لوڈشیڈنگ میں بھی گزشتہ دو سال میں مرحلہ وار نمایاں کمی کی گئی ہے۔ سحر اور افطار کے اوقات میں بھی لوڈشیڈنگ نہیں کی جا رہی ۔ وزیر مملکت نے کراچی میں ہونے والی ہلاکتوں کا ذمہ دار سندھ حکومت کو قرار دیدیا۔ عابد شیر علی کا کہنا تھا کہ کے الیکٹرک کو معاہدے کے مطابق بجلی کی پیداوار بڑھانے میں غفلت پر نیپرا نے لیگل نوٹس بھجوا دیا ہے۔ –