اسلام آباد(نیوز ڈیسک)جی ٹی روڈ پر ٹریفک حادثے میں اداکارہ خوشبو کا بھائی جاں بحق اور اداکارہ سمیت 8افراد زخمی ہوگئے جنہیں ہسپتال منتقل کردیاگیاہے۔ریسکیو ذرائع کے مطابق ٹرک اور لاہورجانیوالی وین میں ٹکرکے نتیجے میں سیہون شریف دربار سے واپس آنیوالے آٹھ زائرین زخمی اور ایک شخص جاں بحق ہوگیا۔ پولیس کے مطابق جاں بحق شخص اداکارہ خوشبو کا بھائی ہے جبکہ خود اداکارہ بھی زخمیوں میں شامل ہے۔
مزید پڑھیے: سوشل میڈیا پر ایمان مزاری کی ہم جنس پرستی کے حق میں مہم ،ماں بھی دفاع میں آگئیں

ہسپتال ذرائع کے مطابق زخمیوں کی حالت خطرے سے باہر ہے۔ڈسٹرکٹ ہسپتال ساہیوال میں زیرعلاج زخمیوں نے بتایاکہ ملتان میں ا±نہوں نے سحری کی اور دوبارہ سفر شروع کیا تو مسافرسوگئے اور ساہیوال کے علاقے میں گاڑی نے ٹرک کو پیچھے سے ٹکرماردی جس کے نتیجے میں ڈرائیور جو کہ اداکارہ خوشبوکابھائی بتایاگیا،موقع پر جاں بحق ہوگیا۔پولیس نے امکان ظاہر کیاہے کہ سفر طویل ہے ، ہوسکتاہے کہ دیگر لوگوں کے سوجانے کے بعد ڈرائیور بھی سوگیاہو۔