اسلام آباد(نیوزڈیسک) وفاقی وزیر برائے منصوبہ بندی احسن اقبال نے کہا ہے کہ متحدہ قومی مومنٹ کےخلاف ثبوت مہیا کئے گئے توقانون کےمطابق کارروائی کریں گے۔بی بی سی نے حال ہی میں اپنے ایک رپورٹ میں دعوی کیا تھا کہ ایم کیو ایم کو ہندوستان سے فنڈز ملتے ہیں۔ہفتہ کو یہاں نیشنل یونیورسٹی آف سائنس اینڈ ٹیکنالوجی (نسٹ) میں ایک تقریب میں شرکت کے بعد میڈیا سے گفتگو میں احسن اقبال کا کہنا تھا کہ ایم کیو ایم پر الزامات سنگین نوعیت کے ہیں اور جب تک ثبوت نہ آجائیں کشیدگی کے ماحول سے گریز کرنا چاہیے۔انہوں نے کہا کہ پاک – چین اقتصادی راہداری کسی سڑک کا نام نہیں۔ ’اقتصادی راہداری کا اہم حصہ توانائی کے منصوبے ہیں‘۔احسن اقبال کا کہنا تھا کہ توانائی منصوبوں کی تکمیل میں تین سے چار سال کا عرصہ درکار ہے۔ وفاقی وزیر نے دعوی کیا کہ حکومت 2018 میں بجلی کے بحران پر قابو پانے میں کامیاب ہوجائے گی۔ایک سوال کے جواب میں وفاقی وزیر کا کہنا تھا کہ اقتصادی راہداری کے منصوبے پر آل پارٹی کانفرنس کے فیصلوں کے مطابق من وعن عمل درآمد کیا جائے گا۔پاک –ہندوستان تعلقات پر احسن اقبال نے کہا کہ دونوں ملکوں کا فرض ہے کہ اسلحہ میں مقابلہ کرنے کے بجائے تعلیم کے مواقع پیدا کریں۔اس سے قبل، انہوں نے نسٹ اور چینی یونیورسٹی کے مابین پاکستان میں سائنس اینڈ ٹیکنالوجی پارک کے قیام سے متعلق ایک تقریب میں شرکت کی۔ تقریب میں چینی سفیر اور چیئرمین ایچ ای سی بھی شرکت تھے۔ وفاقی وزیر اطلاعات و نشریات پرویز رشید کا کہنا تھا کہ متحدہ کے خلاف جب تک ثبوت نہیں ملتے ایکشن نہیں لیا جا سکتا۔ بہتر ہے کہ متحدہ کے رہنما خود اپنی پوزیشن واضع کریں۔
وفاقی وزیر اطلاعات و نشریات پرویز رشید نے ایک نجی ٹی وی سے گفتگوکرتے ہوئے کہا کہ متحدہ کے خلاف جب تک ثبوت مکمل نہیں ملتے ایکشن بارے کچھ نہیں کہہ سکتے۔ متحدہ کے رہنماوں کو خود اپنی پوزیشن واضح کرنی چاہیے۔ کراچی میں امن قائم کرنے کے لئے وفاق نے اپنا بھرپور کردار ادا کیا ہے اب سندھ حکومت کو بھی سخت اقدامات کرنے ہوں گے۔ وفاقی وزیر کا کہنا تھا کہ ضرب عضب دھشت گردی کے خلاف کامیاب ترین آپریشن ثابت ہوا۔ کراچی میں ہلاکتوں پر افسوس ہے لیکن ان کی وجہ بجلی کی لوڈ شیڈنگ نہیں گرمی کی وجہ سے لوگ لقمہ اجل بنے۔ وفاقی وزیر کا کہنا تھا کہ گرمی کے خلاف اقدامات کرنا سندھ حکومت کا کام تھا لیکن نہ تو وہ اس میں کامیاب ہوئی اور نہ ہی کراچی کے ہسپتالوں میں ایسے حالات سے نمٹنے کے لئے کوئی انتظامات کیئے گئے۔
’ایم کیو ایم کے خلاف ثبوت ملنے پر ہی کارروائی ہو گی‘
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































