کراچی (نیوزڈیسک)پیپلزپارٹی میںالگ الگ فیصلے سامنے آنے لگے ،فریال تالپوروزیر داخلہ سندھ سہیل انور سیال کوساتھ لے گئی،بلاول زرداری نے واپس طلب کرلیا،سندھ کے وزیر داخلہ سہیل انور سیال پارٹی چیئرمین کی ہدایت پر ہفتہ کو واپس وطن پہنچ گئے ۔باوثوق ذرائع کے مطابق سندھ کے وزیر داخلہ سہیل انور سیال گزشتہ ہفتہ پاکستان پیپلزپارٹی شعبہ خواتین کی سربراہ اور رکن قومی اسمبلی فریال تالپور کے ہمراہ دبئی کے دورے پر روانہ ہوئے تھے ۔دبئی پہنچ کر انہوںنے دس دن کی چھٹی کی درخواست وزیراعلیٰ سندھ کے نام لکھی تھی ،جسے وزیراعلیٰ نے منظور کرلیا تھا ۔تاہم گزشتہ روز پارٹی چیئرمین بلاول بھٹو زرداری نے واپس آتے ہی وزیر داخلہ سندھ سہیل انور سیال کی چھٹیاں منسوخ کرکے وطن واپس پہنچنے کی ہدایت کی تھی ،جس پر عمل کرتے ہوئے سہیل انور سیال ہفتہ کی سہہ پہر وطن واپس پہنچ گئے ۔کراچی ایئرپورٹ پر محکمہ داخلہ کے افسران نے ان کا پرتپاک استقبال کیا ۔