لاہور (نیوزڈیسک)الیکشن ٹربیونل کے روبرو قومی اسمبلی کے حلقہ این اے 122 میں مبینہ انتخابی دھاندلی کیس پر حتمی بحث جاری ، عمران خان کے وکیل انیس علی ہاشمی نے اپنے دلائل مکمل کر لیے جس کے بعد کیس کی مزید سماعت آج ( منگل ) تک ملتوی کر دی گئی ، ٹربیونل نادرا ریکارڈ پر وکلاءکے دلائل کا جائزہ لے گا جبکہ 24جون کو سردار ایاز صادق کے وکلاءدلائل دیں گے ۔ گزشتہ روز الیکشن ٹربیونل لاہور کے جج کاظم علی ملک نے این اے 122میں مبینہ دھاندلی کیس کی سماعت کی ۔ پی ٹی آئی کے وکیل انیس ہاشمی نے حلقے میں کاسٹ ہونے والے ووٹوں کے نامکمل کاونٹرز فائلز پر بحث جاری رکھی ۔انیس ہاشمی نے کہا کہ جن بیلٹ پیپرز کی کاونٹر فائلز موجود نہیں یا جن پر پریذائیڈنگ افسران کے دستخط اور مہریں موجود نہیں ان کو جعلی سمجھا جائے کیونکہ ایسے ووٹوں کی کوئی قانونی حیثیت نہیں۔عمران خان کے وکیل نے دلائل دیتے ہوئے کہا کہ سردار ایاز صادق کو کامیاب کرانے کیلئے پہلے دھاندلی کی گئی پھر دھاندلی چھپانے کیلئے ریکارڈ میں ردوبدل کیا گیا۔50ہزار ووٹوں کی کاﺅٹر فائلز مشکوک ہیں۔ حلقے میں بڑے پیمانے پر بے ضابطگیاں ہوئیں۔عمران خان کے وکیل کے حتمی دلائل مکمل ہونے کے بعد سردار ایاز صادق کے وکیل اپنے دلائل کا آغاز کریں گے ۔ الیکشن ٹربیونل نے عمران خان کے وکیل کے دلائل مکمل ہونے پر کیس کی مزید سماعت آج ( منگل ) تک ملتوی کر دی ۔ سماعت کے بعد میڈیا سے گفتگو کرتے ہوئے عمران خان کے وکیل انیس علی ہاشمی نے کہا کہ عام انتخابات میں ہونے والی دھاندلی کے تمام ثبوت الیکشن ٹربیونل کے سامنے رکھ دیئے ہیں اور ہمارے مضبوط دلائل کے باعث ایاز صادق کے وکلاءنے مہلت مانگ لی ہے ۔ انہوں نے کہا کہ پولنگ سٹاف کی بے ضابطگیوں کا فائدہ ایاز صادق کو ہوا ہے ، بے ضابطگیوں کا نوٹس نہ لیا گیا تو یہ روایت بن جائے گی ۔ جہاں اتنی بے ضابطگیاں ہوئی ہوں وہاں کے الیکشن کو کالعدم قرار دینا لازمی ہے لہٰذا سردار ایاز صادق کو نااہل قرار دیا جائے ۔
ایازصادق کو کامیاب کرانے کیلئے کس طرح دھاندلی کی گئی،عمران خان کے وکیل ٹریبونل میں سب کچھ بول گئے
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































