اسلام آباد (نیوزڈیسک) پیپلز پارٹی کے رہنماءقمر الزمان کائرہ اور شیریں رحمان نے کہا ہے کہ آرمی چیف جنرل راحیل شریف ہمارے لئے معتبر ہیں ، فوج ایک مہذب ادارہ ہے، آصف زرداری نے آپریشن ضرب عضب کو سراہا، ان کا بیان فوج کے نہےں سابق آمروں کے خلاف تھا ، آصف زرداری کی تمام سیاسی جماعتوں کو ساتھ لے کر چلنے کی مفاہمتی پالیسی جاری رہے گی، زرداری اپنا بیان واپس نہیں لیں گے اس پر کسی کو اعتراض نہیں، مفاہمتی پالیسی آصف زرداری کا طرہ امتیاز ہے،کراچی آپرےشن کی مکمل حماےت کرتے ہےں،فوجی اور سول قےادت کی حدود متعین ہے تما م ادارے اپنی حدود مےں رہ کر فرائض سرانجام دےں،رینجرزاپنے مینڈیٹ کے اندرکام کرے، ہم اسکی حماےت کر رہے ہیں، پیپلز پارٹی نے کرپشن کا دفاع نہکیاہے اور نہ آئندہ کرے گی۔ وہ جمعہ کو آصف علی زرداری کی طرف سے سیاسی رہنماﺅں کے اعزاز میں دیئے گئے افطار ڈنر کے بعد میڈیا سے گفتگو کر رہے تھے۔ انہوں نے کہا کہ آصف علی زرداری نے آپریشن ضرب عضب کو سراہاہے، پاک فوج دہشت گردوں کے خلاف لڑ رہی ہے، ان کا بیان ایک خاص تناظر میں تھا، کیونکہ پیپلز پارٹی نے ہمیں آمروں کا سامنا کیا، اس لئے آصف علی زرداری نے بھی سابق آمروں کے خلاف بیان دیاتھا فوج کے خلاف نہیں، ان کے بیان پر کسی کو اعتراض نہیں اور نہ ہی وہ اپنا بیان واپس لیں گے کیونکہ ان کا بیان پوری پارٹی کی سوچ ہے اور میڈیا نے ان کے بیان کو مکمل طور پر بیان نہیں کیا، اس پر جو طوفان اٹھایا گیا ہے، اس کا کوئی حقیقی وجود نہیں ہے۔ انہوں نے کہا کہ لیڈر بیان دیتے وقت سوچا نہیں کرتے، آصف زرداری کی تمام سیاسی جماعتوں کو ساتھ لے کر چلنے کی مفاہمتی پالیسی جاری رہے گی، مفاہمتی پالیسی ان کا طرہ امتیاز ہے۔ انہوں نے کہا کہ فوجی اور سول قیادت کی حدود متعین ہے، رینجرزاپنے مینڈیٹ کے اندرکام کرے، ہم اسے سپورٹ کر رہے ہیں، پیپلز پارٹی نے نہ کبھی کرپشن کا دفاع کیا اور نہ ہی آئندہ کرے گی، رینجرز اپنے فرائض صحیح طریقے سے سرانجام دے رہی ہے، اب نیشنل ایکشن پلان کو اگلے مرحلے میں لے کر جانے کی ضرورت ہے، اور یہ ذمہ داری وفاقی حکومت کی ہے، وہ اس پر فوری طور پر غور کرے۔ انہوں نے کہا کہ پیپلز پارٹی نے نہ کبھی حالات خراب کئے اور نہ ہی خراب کرنے کی طرف کبھی لے کر جائے گی، آرمی چیف جنرل راحیل شریف ہمارے لئے معتبر ہیں اور فوج ایک مہذب ادارہ ہے، پارٹی نے جنرل راحیل شریف کے کردار کو سراہا ہے۔