اسلام آباد(نیوز ڈیسک)سندھ کے علاقے ڈھرکی میں پنچایت کے حکم پر جرمانہ ادا نہ کرنے پر باثر افراد نے محنت کش پر کتے چھوڑ دیئے جس سے متاثرہ شخص شدید زخمی ہوگیا،گاﺅں والوں نے ہسپتال لے جانے سے انکار کر دیا ۔تفصیلات کے مطابق ہفتہ کے روز سندھ کے علاقے ڈھرکی کے گاﺅں سانکو میں پنچا یت کا جرمانہ ادا نہ کرنے پر با اثر افراد نے مبینہ طور پرمحنت کش پر کتے چھوڑ دیئے۔کتوں کے کاٹنے سے متاثر شخص وزیر کوبھر شدید زخمی ہوگئے جبکہ گاﺅں کے لوگوں نے متاثرہ شخص کو ہسپتال لے جانے سے انکار کر دیا ہے۔ متاثرہ شخص کی والدہ نے بتایا کہ بااثرافراد نے دھمکیاں دیکرلوگوں کو سپتال لےجانے سے منع کردیا جبکہ پولیس بھی ان کی کوئی مدد نہیں کررہی اور نہ ہی بااثر افراد کے خلاف مقدمہ درج کررہی ہے ۔واضح رہے کہ دس روز قبل جرگے نے کارو کاری کے الزام میں وزیرکوبھر پرچار لاکھ روپے نقد اور دو کمسن بچیوں کو ونی کرنے کا فیصلہ دیا تھا تاہم رقم ادا نہ کرنے پر وزیر کوبھر پر کتے چھوڑ دیئے گئے۔
مزید پڑھئے:آپ جانتے ہیں کہ ٹیلی فون پہلے آیا یا فیکس مشین؟
