لاہور(نیوز ڈیسک) لاہور اور فیصل ا باد میں قتل کے تین مجرموں کو پھانسی دے دی گئی۔ ایک کی پھانسی چند لمحے قبل مدعی کے معاف کرنے پر ٹل گئی۔ مجرم غلام موسیٰ اور اس کے ساتھی ا فتاب مسیح نے 1992 میں تھانہ گلشن اقبال لاہور کے علاقے میں دوران ڈکیتی مزاحمت پر خاتون اور اس کے دو بیٹوں کو قتل کر دیا تھا۔ اس مقدمے میں مجرم ا?فتاب مسیح کو کوٹ لکھپت جیل میں تختہ دار پر لٹکا دیا گیا جبکہ اسی مقدمے کے دوسرے مجرم غلام موسیٰ کو مدعی نے معاف کر دیا اور اس کی پھانسی چند لمحے قبل ٹل گئی۔ کوٹ لکھپت جیل میں ہی قید قتل کے ایک اور مجرم محمد طارق کو بھی پھانسی دے دی گئی۔ مجرم طارق نے 1995 میں ایک شخص کو قتل کیا تھا جبکہ فیصل اباد میں 6 افراد کے قاتل کو تختہ دار پر لٹکا دیا گیا۔ مجرم نے 2000 میں ننکانہ صاحب کے علاقے میں فائرنگ کر کے 6 افراد کو قتل کر دیا تھا۔ ضروری کارروائی کے بعد لاشیں ورثاء کے حوالے کر دی گئیں۔