نہیں رکھتی یہ صوبوں کااختیار ہے انہوں نے کہاکہ تمام بے نامی اکاﺅنٹس بند کئے جائیں ۔مظفر حسین شاہ نے بحث میں حصہ لیتے ہوئے کہا کہ زراعت ریڑھ کی ہڈی کی حیثیت رکھتی ہے جسے نظرانداز کیا گیا ہے یوریا پوٹاشیم اورکھادوں پر ٹیکس ختم کیاجائے میں نے جو تجاویز دی ہیں حکومت اسے سنجیدگی سے لے۔ بحث میں حصہ لیتے ہوئے سینیٹر جہانزیب جمال دین نے کہاکہ موجود ہ حالات میں حکومت نے بہتر بجٹ پیش کیا ہے ہمارے تحفظات ہیں بلوچستان 2350میگاواٹ بجلی پیداکررہا ہے اوراسے صرف 600میگاواٹ دی جارہی ہے ہمارے کسان بنکوں کے مقروض ہوچکے ہیں بجٹ پر بحث میں حصہ لیتے ہوئے سینیٹر عبد القیوم نے کہا کہ مخالفت برائے مخالفت کرنا اچھا نہیں ہے قائد حزب اختلاف کی تقریر مایوس کن تھی ، ایسا لگ رہا تھا کہ پاکستان مئی 2013 ءکو وجود میں آیا اور ن لیگ کی حکومت پہلی حکومت ہے ملک حالت جنگ میں ہے توانائی کا بحران ہے ہم مستحکم پاکستان کو خطے کا طاقت ور ملک بنا سکتے ہیں بجٹ میں کوئی نیا ٹیکس نہیں لگایا گیا چائنہ نے میاں نواز شریف پر اعتماد کیا ۔ حکومت کی کوشش کے باوجود غریب غریب اور امیر امیر ہوتا جا رہاہے ۔ بحث میں حصہ لیتے ہوئے ایم کیو ایم کی سینیٹر خوشبخت شجاعت نے کہا کہ اس بجٹ میں عام آدمی کا کوئی ذکر نہیں ہے عوام کا قاتل اور سفاک بجٹ ہے یہ بجٹ ہمارے زخموں پر نمک چھڑک رہا ہے وفاقی حکومت کراچی میں پانی کیلئے دو ارب روپے بھی نہ رکھی سکی۔