کی جیب سے پیسہ نکالاجائے اور امیر کی جیب میں ڈالاجائے امیر کے پیسوں کو مزید بڑھانے کیلئے یہ پیسہ ہے بجٹ کا ایک زاویہ یہ بھی ہے کہ کتنی آمدن اورکتنااخراجات ہیں ہمارے ملک میں آمدن براہ راست ٹیکسوں پر ہے اور بالواسطہ ٹیکس غریبوں پر ہے ہمارے اخراجات قرضوں کی ادائیگی دفاع اور سول انتظامیہ اورڈویلپمنٹ پر ہوتے ہیں مگر بدقسمتی سے حکومت کی ترجیحات درست نہیں ہیں آپریشن ضرب عضب کے واسطے جتنے ہی فنڈ مانگے جائیں قوم دینے کیلئے تیار ہے ترقیاتی کاموں کیلئے مختص رقم کس قسم کے منصوبوں پر لگ رہی ہے یہ ترجیحات حکومت نہیں بناسکی انہوں نے کہاکہ مسلم لیگ ن کی حکومت جب بھی آتی ہے منصوبوں کی ایک خاص قسم ان کی توجہ حاصل کرلیتی ہے کیا اس بجٹ میں کوئی ایسی تجاویز ہیں کہ پیداوارکو بڑھانے کی تحریک پیدا ہو ہمیں یہ بھی دیکھنا ہے کہ بجٹ درآمدات کی حوصلہ افزائی کرتا ہے یابرآمدات کی کرتا ہے ہمیں یہ بھی دیکھنا ہے کہ وفاق کو مضبوط کرتا ہے یاصوبوں کو مضبوط کرتا ہے پی ایس ڈی پی کی تقسیم کس طرح ہورہی ہے انہوں نے کہاکہ وزیراعظم نے آل پارٹی کانفرنس میں وعدہ کیا کہ پاک چین اقتصادی راہداری کے مغربی روٹ کو ترجیح دی جائے گی مگر بجٹ میں اس کیلئے کوئی خاطر خواہ رقم نہیں رکھی گئی اس بجٹ میں ہمارے ساتھ وعدہ خلافی کی گئی یہ بجٹ خواص کاہے تعمیراتی انڈسٹری کو رعایت دی گئی ہمیں پتہ ہے کہ سریا اور سیمنٹ کہاں بنتی ہے ہوائی جہازوں کی درآمد پر کسٹم ڈیوٹی اورامپورٹ ڈیوٹی کو ختم کردیاگیا یہ پرائیویٹ جہازلانے والے خاندانوں کو فائدہ دیا گیا ہے ٹیکس میں سپرٹیکس تجویز کیا گیا ہے پچاس کروڑ سے زائد آمدنی والے کو یہ لگے گا انہوں نے کہاکہ یہ لمٹ نیچے لائی جائے ایل این جی ٹرمینل آپریٹر کو بھی چھوٹ دی گئی ہے ایک ایل این جی ٹرمینل لگا ہے جس پر شکوک وشبہات ہیں انہوں نے کہاکہ ملک میں ایل این جی آرہی ہے