کراچی(نیوزڈیسک) بحیرہ عرب میں بننے والا سمندری طوفان اشوبھا نے پاک بھارت کے سرحدی ساحل رن آف کچھ کا رخ کر لیا ہے ۔ محکمہ موسمیات نے وارننگ دی ہے کہ 15 فٹ اونچی لہروں کا طوفان آ سکتا ہے۔ ماہی گیر سمند رمیں نہ جائیں، کسی بھی وقت بارشیں شروع ہو سکتی ہیں ۔تفصیلات کے مطابق سندھ اور مکران کے ساحلوں سے 550 کلو میٹر دور طاقت پکڑتا ہوا اشوبھا نے پاک بھارت کے سرحدی ساحل رن آف کچھ کا رخ کر لیا ہے۔ محکمہ موسمیات کے مطابق چالیس ناٹیکل میل فی گھنٹے کی رفتار سے حرکت کرنے والے سمندری طوفان کے باعث آئندہ 24 گھنٹوں میں سندھ کے ساحلی علاقوں ٹھٹھہ، بدین، جاتی اور کراچی میں تیز ہواں کے ساتھ طوفانی بارش کا امکان ہے۔محکمہ موسمیات کے مطابق اشوبھاکراچی سے تقریبا 200 میل کی دوری سے گزرے گا لیکن اس طوفان کی وجہ سے سمندر میں دس سے پندرہ فٹ اونچی لہریں اٹھیں گی۔ اس صورت حال میں کراچی کی ساحلی بستیوں ابراہیم حیدری،ریڑھی گوٹھ اور مبارک ولیج میں ہنگامی حالت کا نفاد کر دیا گیا ہے اور مچھیروں کو جمعرات تک کھلے سمندر میں نہ جانے کی ہدایت بھی جاری کر دی گئی ہے۔کراچی کے سمندری طوفان کے وارننگ سینٹر کے ڈائریکٹر قیوم بھٹو نے کہا کہ یہ سمندری طوفان بحیرہ عرب کے مشرقی وسط میں موجود ہے اور 15 کلومیٹر فی گھنٹہ کی رفتار سے آگے بڑھ رہا ہے۔انہوں نے کہا یہ پیر کی دوپہر کو شمال اور شمال مغرب کی جانب منتقل ہوگیا تھا۔ کراچی سے تقریبا 550 کلومیٹر کے فاصلے پر موجود اس طوفان کے اگلے چوبیس گھنٹوں کے دوران مزید شدت اختیار کرتے ہوئے شمال مغرب کی جانب بڑھنے کا امکان ہے۔قیوم بھٹو نے کہا کہ سندھ مکران ساحل کے ساتھ ساتھ سمندر کی صورتحال شدید سے شدید تر ہونے کا امکان ہے۔انہوں نے کہا کہ سمندری لہریں زیادہ سے زیادہ 12 سے 15 فٹ تک بلند ہوسکتی ہیں۔ان کا کہنا تھا کہ سندھ میں ماہی گیروں کو مشورہ دیا گیا ہے کہ وہ جمعرات تک کھلے سمندر میں نہ جائیں، جبکہ بلوچستان کے ماہی گیروں کو جمعہ تک کھلے سمندر میں نہ جانے کی ہدایت کی گئی ہے۔اس سمندری طوفان سے بننے والے سسٹم کے تحت کراچی، حیدرآباد، میرپورخاص، تھرپارکر، ٹھٹہ، بدین اور سجاول کے ضلعوں میں اگلے 24 گھنٹوں سے 48 گھٹنوں کے اندر اندر گرج چمک اور معتدل بارش یا شدت کے ساتھ 25 سے 35 ملی میٹر کے درمیان ہوسکتی ہیں، اس کے ساتھ چلنے والی ہواں کی رفتار 30 سے 40 کلومیٹر فی گھنٹہ ہونے کا امکان ہے۔انہوں نے کہا کہ بلوچستان کے ساحلی علاقوں میں بھی بدھ سے اسی طرح کی صورتحال کی توقع ہے
اشوبھا نے سراٹھالیا،محکمہ موسمیات کی وارننگ جاری
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































