اسلام آباد(نیوزڈیسک) خواتین ارکان پارلیمنٹ صدرکے خطاب کے بعد آرمی چیف جنرل راحیل شریف کے ساتھ سیلفیاں بناتی رہیں‘ اپوزیشن لیڈر خورشید شاہ نے کہا خیر ہے فوٹو بنانے دیں‘ فوٹو بنانے سے جمہوری کو خطرہ لاحق نہیں ہوتا۔ جمعرات کو صدر مملکت ممنون حسین کا پارلیمنٹ سے خطاب ختم ہوتے ہی متعدد خواتین ارکان پارلیمنٹ سروسز چیفس لابی میں چیف آف آرمی سٹاف جنرل راحیل شریف سے ملنے پہنچ گئیں جہاں ان کے ساتھ موبائل فون سے سیلفیاں بناتی رہیں اس بابت قومی اسمبلی میں قائد حزب اختلاف سید خورشید شاہ سے پوچھا گیا تو انہوں نے کہا کہ آرمی چیف ملک کا سپہ سالار ہوتا ہے اگر خواتین ارکان پارلیمنٹ ان کے ساتھ فوٹو بنواتی ہیں تو یہ کوئی قابل اعتراض بات نہیں فوٹو بنانے دیں اس سے جمہوریت کو کوئی خطرہ لاحق نہیں ہوتا۔