اسلام آباد(آن لائن)تحریک انصاف کے چیئرمین عمران خان نے اپنی اہلیہ ریحام خان کو براہ راست میڈیا پر پارٹی امور پر بات چیت کرنے سے منع کر دیا ہے جبکہ مراد سعید کو ریحام خان کا ترجمان مقرر کرنے پر غور شروع کر دیا گیا ہے ۔ذرائع نے آن لائن کو بتایا کہ تحریک انصاف کے سینئر رہنماﺅں نے عمران خا ن کو بتایا کہ ریحام خان مختلف علاقوں کا دورہ اورتقاریب میں شرکت کرتی ہیں جہاں پر ریحام خان کو میڈیا کا سامنا اور پارٹی کے اندرونی امور کے حوالے سے صحافیوں کے سخت سوالات کا سامنا کرنا پڑتاہے ،ذرائع نے مزید بتایا کہ پارٹی کے سینئر رہنماﺅں نے عمران خان کو ریحام خان کیلئے ایک ترجمان بھی مقرر کرنے کیلئے رائے دی اور اس کے لئے پارٹی کے مختلف رہنماﺅں کے نام بھی پیش کئے جس میں خیبر پختونخواہ سے تعلق رکھنے والے ایم این اے مراد سعید کا نام بھی شامل ہے اور اکثریت نے مراد سعید کو ترجمان مقرر کرنے پر متفق ہیں ذرائع کے مطابق اس حوالے سے عمران خان نے اپنی اہلیہ ریحام خان کو میڈیا پر براہ راست پارٹی امور پر بات چیت سے منع کیا ہے اور ترجمان کیلئے مشاورت شروع کر دی ہے جس کا چند روز میں حتمی فیصلہ کیا جائیگا۔

مزید پڑھئے:چین :اڑنے والی گاڑی 2017 تک ما ر کیٹ میں متعارف کرانے کاامکان