فیصل آباد(نیوزڈیسک) فیصل آباد میں مبینہ طور پر بھتہ نہ دینے پر ایک شخص کو پیٹرول چھڑک کر جلادیاگیاتاہم متاثرہ شخص نے قریبی نہر میں چھلانگ لگا دی جسے بعد ازاںہسپتال منتقل کردیاگیا ۔پولیس کے مطابق گرو نانک پور کا رہائشی ظفر نامی شخص کینال روڈ پر موٹر سائیکل پر جارہا تھا کہ 4افراد نے اسے زبردستی روک لیا اور اس پر پیڑو ل جھڑک کر آگ لگادی اور فرار ہوگئے ،آگ بجھانے کےلئے ظفر نے قریبی نہر میں چھلانگ لگا دی جس سے اس کی جان بچ گئی لیکن وہ جھلس کر زخمی ہوگیا۔موقع پر موجود لوگوں کے اطلاع دینے پر ریسکیو اہلکار پہنچ گئے اور اسے نکال کر سول ہسپتال منتقل کردیا جہاں اس کی حالت خطر ے سے باہر ہے۔پولیس کو دیئے گئے بیان میں متاثرہ شخص کا کہنا ہے کہ بلال نامی شخص اور اس کے ساتھی کئی سالوں سے اس سے بھتہ وصول کر رہے تھے اور بھتہ نہ دینے پر اسے مارنے کی کوشش کی گئی ،پولیس نے ملزمان کی تلاش شروع کردی ہے۔