لاہور (نیوزڈیسک)”انصاف دو یا ہمیں بھی مار دو“عوامی تحریک ک اہم اعلان،حکومت پریشان،پاکستان عوامی تحریک نے سانحہ ماڈل ٹاﺅن اور جے آئی ٹی کی رپورٹ کے خلاف 14 جون تک ملک بھر میں 60شہروں میں ” انصاف دو یا ہمیں بھی مار دو“ کے بینرز تلے احتجاجی مظاہروں کے شیڈول کو حتمی شکل دیدی ۔ذرائع کے مطابق حکومت کو اس سلسلے میں کافی تشویش ہے اور اعلیٰ حکام ان مظاہروں سے نمٹنے کے لئے پریشانی کا شکار ہیں واضح رہے کہ ماڈل ٹاﺅن میں بھی پولیس کے ساتھ تصادم کے وجہ سے پولیس اور اعلیٰ حکام کو بہت سے مسائل کا سامناکرنا پڑا تھا۔ آج 24 مئی اتوار کو لاہور، سیالکوٹ، فیصل آباد، گجرات اور ساہیوال میں پریس کلب کے باہر احتجاج ہو گا۔14 جون کو اسلام آباد سمیت 3صوبائی دارالحکومتوں، پشاور، کراچی اور کوئٹہ میں بھرپور احتجاج ہو گا۔ احتجاجی مظاہروں میں سول سوسائٹی، ہم خیال سیاسی جماعتوں اور انسانی حقوق کی تنظیموں کو شرکت کی دعوت دینے کیلئے ضلعی سطح پر کمیٹیاں تشکیل دے دی گئی ہیں۔ گزشتہ روز مرکزی سیکرٹریٹ میں صدر ڈاکٹر رحیق عباسی کی زیر صدارت منعقدہ اجلاس میں احتجاجی مظاہروں کے شیڈول کو حتمی شکل دی گئی۔اجلاس میں مرکزی سیکرٹری جنرل خرم نواز گنڈا پور ،ناظم اعلیٰ تنظیمات شیخ زاہد فیاض، ساجد بھٹی، میاں زاہد شریک تھے۔ احتجاجی مظاہرے جن کا آغاز 22 مئی کو پنجاب اسمبلی کے سامنے لاہور سے ہوا۔ 14 جون 2015 تک جاری رہیں گے۔ 14 جون کے بعد کے احتجاجی لائحہ عمل کا اعلان پاکستان عوامی تحریک کے قائد ڈاکٹر طاہر القادری کرینگے۔ لاہور میں احتجاجی مظاہرے کی قیادت مرکزی صدر ڈاکٹر رحیق عباسی کرینگے۔ فیصل آباد میں سیکرٹری جنرل خرم نواز گنڈاپور، سیالکوٹ میں ناظم اعلیٰ تنظیمات شیخ زاہد فیاض، گجرات میں فرحت حسین شاہ، ساہیوال میں احتجاجی مظاہرے کی قیادت ڈاکٹر تنویر احمد سندھو کرینگے جبکہ ان مظاہروں کی انتظامی کمیٹیوں کے سربراہان حافظ غلام فرید، میاں کاشف محمود، راشد باجوہ، حاجی اکرم، قاری مظہر فرید کو مقرر کیا گیا ہے۔