اسلام آباد(نیوزڈیسک) ہر حلقے میں ساٹھ ستر اسی ہزار ووٹ درست نہیں،چوہدری نثار علی خان نے پھر سیاسی دھماکہ کردیا، تفصیلات کے مطابق وزیرداخلہ چوہدری نثار علی خان نے کہا ہے کہ عمران خان نے میرے بیان کے حوالے سے کہاتھا کہ ساٹھ سے ستر فیصد ووٹوں کی تصدیق نہیں ہوسکتی اور میں اپنے اس بیان پر آج بھی قائم ہوں بلکہ میری بات صحیح ثابت ہورہی ہے ہر حلقے میں ساٹھ ستر اسی ہزار ووٹ صحیح ثابت نہیں ہوپارہی مگر ہمارا نقطہ یہ ہے کہ یہ ووٹ جعلی نہیں ہے بلکہ یہ ان ریڈایبل ہے جسے نادرا کی ٹیکنالوجی اور مشینری ریڈ نہیں کرسکتی اور اس کی بہت ساری وجوہات ہیں ، انگوٹھا لگانے کا طریقہ جو لگوا رہا ہے اس نے کاغذ ٹیڑھا رکھا ہو کاغذ کی کوالٹی ،سیاہی کی کوالٹی اور بہت سی چیزیں ایسی ہیں جن کی وجہ سے ووٹ کی تصدیق نہیں کی جاسکتی اس کا مطلب یہ نہیں ہے کہ یہ ووٹ جعلی ہیں بلکہ یہ ووٹ مشین ریڈابل نہیں ہیں۔ واضح رہے کہ اس سے قبل بھی جب چوہدری نثار علی خان نے ووٹوں کے بارے میں اس قسم کا بیان دیاتھا تو عمران خان آج تک مسلسل چوہدری نثار کے اس بیان کا مختلف مواقع پر حوالہ دیتے آئے ہیں چوہدری نثار علی خان کے اس سابقہ بیان پر وزیراعظم نوازشریف نے شدید ناراضگی کا اظہار کیا تھا اور کچھ عرصہ دونوں رہنماﺅں میں کافی دوریاں رہی تھیں ۔