اسلام آباد (آن لائن) راولپنڈی اسلام آباد میٹروبس منصوبے کی افتتاحی تقریب 29 مئی بروز جمعہ شام چار بجے کرنے کا حتمی فیصلہ کر لیا گیا ہے ۔ وزیر اعظم نواز شریف افتتاحی تقریب کے مہمان خصوصی ہوں گے ۔ افتتاحی تقریب اور سیکیورٹی انتظامات پر پانچ کروڑ روپے لاگت متوقع ہے سیکیورٹی کی ذمہ داری آر پی او راولپنڈی وصال فخر سلطان راجہ کے سپرد کر دی گئی ۔ راولپنڈی اسلام آباد کے میٹروبس منصوبے کے ایک اعلی آفیسر نے اپنا نام ظاہر نہ کرنے کی شرط پر آن لائن کو منصوبے کے افتتاح کے حوالے سے تفصیلات بتاتے ہوئے کہا کہ چونکہ منصوبہ مکمل ہو چکا ہے اور اب صرف نوک پلک درست کی جا رہی ہے ۔ اس لئے حنیف عباسی جو کہ میٹروبس منصوبے کے چیئرمین ہیں کی سربراہی میں ہونے والی میٹنگ میں 29 مئی جمعہ والے دن شام چار بجے کی حتمی تاریخ افتتاح کے لئے منتخب کی گئی ہے ۔ جس کے متعلق وزیر اعظم اور وزیر اعلی پنجاب کو آگاہ کر دیا ہے اس ذرائع کے مطابق جمعہ کے دن منتخب کرنے کی وجہ مری روڈ کے تاجروں کی چھٹی کا دن ہوتا ہے جبکہ مری روڈ پر جمعہ کے دن ٹریفک کا دباﺅ بھی کم ہوتا ہے اور جمعے کی نماز کے بعد مری روڈ کے افتتاحی حکام کو عام ٹریفک کے لئے بند رکھا جائے گا جبکہ سیکورٹی کی ذمہ داری آر پی او راولپنڈی فخر سلطان راجہ کے سپرد کی گئی ہے جن کی معاونت ایس ایس پی آپریشن کرامت اللہ ملک کریں گے اور اس حوالے سے ایک ہزار سے زائد سیکیورٹی اہلکار ڈیوٹی سرانجام دیں گے ۔ سیکیورٹی کو مزید بہتر کرنے کے لئے افتتاح کے مقام پر واک تھرو گیٹ لگانے کے علاوہ سراغ رساں کتوں کی مدد سے علاقے کو چیک کیا جائے گا ۔ ذرائع کے مطابق افتتاحی تقریب کے مہمانوں کے لئے پاسزز راولپنڈی ، اسلام آباد کی سپیشل برانچز جاری کریں گی اور ان مہمانوں میں میڈیا کے نمائندے ، اہم قومی تاجروں کے علاوہ غیر ملکی مہمانوں کو بھی مدعو کیا جائے گا ۔ ذرائع کے مطابق وزیر اعظم اس منصوبے کا افتتاح کریں گے اور وزیر اعظم و وزیر اعلی کی آمد سے ایک گھنٹہ قبل مہمانوں کا داخلہ بند کر دیا جائے گا ۔ ذرائع نے مزید دعوی کرتے ہوئے کہا کہ 24 سیٹشنوں پر مشتمل راولپنڈی ، اسلام آباد میٹروبس منصوبے کی تزئین و آرائش و سیکیورٹی پلان پر عملدرآمد پر 5 کروڑ روپے کے اخراجات کا امکان ہے ۔
میٹروبس منصوبے کا افتتا ح 29 مئی کو کر نے کا حتمی فیصلہ کر لیا گیا
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































