اسلام آباد(نیوز ڈیسک)پاکستان پیپلز پارٹی کے سینیٹر و سابق وزیر داخلہ رحمان ملک نے کہا ہے کہ میری عمران خان سے اپیل ہے کہ جب تک جوڈیشل کمیشن کام کررہا ہے اس پر بیان بازی نہ کریں اگر ہمارے پاس ” را“ کیخلاف ثبوت موجود ہیں تو اقوام متحدہ سمیت ہر فورم پر آواز اٹھانی چاہیے زمبابوے ٹیم کا دورہ پاکستان نیک شگون ہے انہیں بھرپور سکیورٹی فراہم کرنا ہوگی ،۔ ان خیالات کااظہار انہوں نے پارلیمنٹ ہاﺅس کے باہر میڈیا سے گفتگو کرتے ہوئے کیا ۔ انہوں نے کہا کہ میری عمران خان سے اپیل ہے کہ جب تک جوڈیشل کمیشن اپنا کام مکمل نہیں کرلیتا اس پر بیان بازی نہ کریں زمبابوے ٹیم کا دروہ پاکستان انتہائی فائدہ مند ہے اور ہمیں اس سے فائدہ اٹھانا ہوگا اور یہ ثابت کرنا ہوگا کہ پاکستان کھیلوں کیلئے محفوظ ملک ہے افغانستان اور پاکستانی انٹیلی جنس کے مابین سائن ہونے والے ایم او یو پہلے بھی ہوتے رہے ہیں لیکن پھر بھی ہم اس کا خیر مقدم کرتے ہیں ہمارے ہاں پرائس کنٹرول کمیشن موجود تو ہے مگر کام نہیں کررہا اس کی وجہ سے منافع خوری زیادہ ہورہی ہے آئندہ آنے والے بجٹ میں دیکھنا ہوگا کہ موجودہ حکومت غریب نواز بناتی ہے یا امیر نواز ۔ سانحہ صفورا کے حوالے سے ان کا کہنا تھا کہ اگر اس میں ” را “ کے ملوث ہونے کے ثبوت ہمارے پاس موجود ہیں تو اس پر ہمیں اقوام متحدہ سمیت تمام فورمز پر آواز اٹھانا ہوگی ۔