چنیوٹ (نیوزڈیسک) سابق وزیراعظم راجہ پرویزاشرف نے کہاہے کہ حقیقی جمہوریت کاراگ الاپنے والے شب وروزجمہوریت کاخون کررہے ہیں ۔انہوں نے کہاکہ صفورہ چورنگی واقعہ قابل مذمت ہے ۔کراچی میں ہونے والی دہشتگردی کی اس بہیمانہ کارروائی کے پس پردہ جمہوریت دشمن اور انتہا پسند ذہنیت ہے جس سے لوگوں کو اپنے عزم واتحاد کیساتھ روکنا ہوگا۔ اس طرح کے بزدلانہ اقدامات ہمارے حوصلے پست نہیں کرسکتے،ا انہوں نے کہا کہ ملک میں حالیہ دہشت گردی کی لہر آپریشن ضرب عضب اور کراچی ٹارگٹیڈ آپریشن کا رد عمل ہوسکتا ہے، تاہم پاکستان میں ہونے والی مسلسل دہشت گردی میں امریکہ ، بھارت اوراسرائیل کے گٹھ جوڑ کو نظر انداز نہیں کیا جاسکتاانہوں نے کہا کہ اب ملک میں اس بات کی تفریق یا تخصیص ختم ہوچکی ہے کہ دہشت گردی صرف مذہبی یا فرقہ وارانہ نہیں بلکہ سیاسی ، لسانی و گروہی بنیادوں پر بھی ہورہی ہے، جس کا مقصد ملک کے اندر فرقہ وارانہ فسادات اور عدم استحکام پیدا کرنا ہے ، صولت مرزا اور ایس ایس پی راﺅ انوار کے بیانات ، رینجرز کی کاروائیوں اور چھاپوں کے دوران ملنے والے ثبوتوں پر ایک عدالتی کمیشن بنانے کی ضرورت ہے ، تاکہ ان بیانات ، ٹھوس شواہد اور ثبوتوں کی روشنی میں ماسٹر مائینڈ لوگوں کو بے نقاب کرکے ان کے خلاف قانون کے مطابق کاروائی کی جاسکے، انہوں نے کہا کہ نے کہا کہ مسلم لیگ ن عوام کو لوڈشیڈنگ کے عذاب سے نجات دلانے میں مخلص نہیں 2018 تک لوڈشیڈنگ کنٹرول کرنے کا حکومتی دعویٰ لوگوں کو بیوقوف بنانے کی ناکام کوشش ہے کیونکہ ا س وقت تک حکومت کی آئینی مدت پوری ہو چکی ہو گی اگر لوڈشیڈنگ اسی طرح جاری رہی تو عوام حکومت کو اقتدار کی کرسی سے پہلے بھی اترنے پر مجبور کر سکتے ہیں انہوں نے کہا کہ صرف 100 میگا واٹ کے اضافے سے حکومت لوگوں کے غصے کو ٹھنڈا کرنے میں ناکام رہے گی کیونکہ یہ انکی کارکردگی پر ایک سوالیہ نشان کے برابر ہے۔