بدین (نیوزڈیسک)سابق وزیر ڈاکٹر ذوالفقار علی مرزا نے کہا ہے کہ مجھے فخر ہے میں آئی ایس آئی ایجنٹ ہوں، میری سات پیڑیاں بھی آصف زرداری، فریال ٹالپر سے سندھ کو لوٹنے کا بدلہ لیںگی۔تفصیلات کے مطابق سابق صوبائی وزیر ڈاکٹر ذوالفقار مرزانے عدالت سے ضمانت منظورہونے کے بعد میڈیا سے گفتگو کرتے ہوئے کہا کہ آصف زرداری کے حواری سمجھتے ہیں کہ میں آئی ایس آئی کے لیئے کام کرتا ہوں انہوں نے کہا کہ مجھے فخر ہے کہ لوگ مجھے الطاف حسین اور آصف زرداری کی طرح( را )کا ایجنٹ نہیں سمجھتے ہیں ۔انہوں نے کہا کہ آصف علی زرداری اور اس کی بہن فریال کے کہنے پر مجھ پر 11مقدمات درج کئے گئے کارکنوں کے گھروں میں گھس کر چادر اور چار دیواری کا تقدس پاما ل کیا گیاانہوں نے کہا آصف علی زرداری، فریال تالپور اور قائم علی شاھ کی جانب سے کی گئی زیادتیوں کا بدلہ میری سات پڑیاں بھی لیں گی، تھر میں سینکڑوں بچے فوت ہوگئے ، دہشت گردی کے باعث سینکڑوں لوگ موت کا شکار ہوگئے مگر حکومت ٹس سے مس نہیں ہو رہی ۔انہوں نے کہا کہ آصف علی زرداری نے دہشت گردوں کو پکڑنے کی بجائے مجھے پکڑنے اور جیل بھیجنے کیلئے ڈیتھ سکوارڈ بنانے کےلئے دن رات ایک کردیا ہے لیکن میں انہیں بتانا چاہتا ہوں کے بچانے والی ذات اللہ کی ہوتی ہے اور اسی سے ڈرتاہوں