اور امن و امان کے قیام کے لئے پولیس کو سالانہ بجٹ کے علاوہ اب تک ساڑھے چھ ارب روپے دئیے جا چکے ہیں۔ انہوں نے کہا کہ حکومت تہیہ کئے ہوئے کہ پنجاب پولیس کو وسائل کے حوالے سے کمزور نہیں رہنے دیں گے اور انہیں ان کے فرائض کی انجام دہی میں آسانی کے حوالے سے ہر سہولت فراہم کی جائے گی۔انہوں نے کہا کہ پولیس کو نئی گاڑیاں ،موٹر سائیکلیں اور دیگر سہولیات کی فراہمی کا اصولی فیصلہ کر لیا گیا اور انہیں یہ سہولیات جلد فراہم کر دی جائیں گی۔انہوں نے کہا کہ ایسے تمام غیر ملکی طلبا جن کے ویزوں کی تعداد ختم ہو چکی ہے،چاہے ان کا تعلق کسی بھی ملک سے ہو، کو ان کے ملک واپس بھجوایا جارہا ہے۔صوبائی وزیر نے پولیس ایمرجنسی کے جدید سافٹ ویئر کی تیاری میں سی سی پی او لاہور محمد امین وینس اور ڈی آئی جی آپریشن ڈاکٹر حیدر اشرف کی کاوشوں کو سراہتے ہوئے کہا کہ انہوںنے اس سافٹ ویئرکی تیاری میںعوامی سہولت کو مدنظر رکھتے ہوئے تمام جزیات کا خیال رکھا ہے جس پر وہ بلا شبہ لا ئق تحسین ہیں۔قبل ازیں صوبائی وزیر نے اس موقع پر وزیٹرز بک پر 15 کے دفاتر کے دورہ کے حوالے سے اپنے تاثرات بھی تحریر کئے او ر اسے وزیراعلی کے عوامی سہولتوں کے منصوبوں کی اہم کڑی قرار دیا ۔