اسلام آباد(نیوز ڈیسک) وزیر مملکت برا ئے پانی و بجلی عابد شیر علی نے کہا ہے کہ صہیونی اور غیر ملکی طاقتیں پاکستانی کی ترقی میں رکاوٹیں ڈال رہی ہیں جبکہ ”را“ اور دیگر دہشت گرد تنظیمیں ملک میں انتشار پھیلا کر اس کے ایٹمی قوت ہونے اور ملک کی ترقی کے لئے رخنہ ڈالنے میں مصروف ہیں مگر پاکستانی کی مسلح افواج اور اٹھارہ کروڑ عوام ان کے عزائم کو ناکام بنائیں گے۔ وزیر مملکت عابد شیر علی نے آن لائن سے خصوصی بات چیت کرتے ہوئے کہا کہ توانائی بحران اور دیگر منصوبے جو کہ 2017ءتک مکمل ہونے تھے مگر وزیراعظم میاں نواز شریف کی ہدایت پر اب یہ منصوبے اور ملک بھر کے تمام بحران دسمبر 2016ءتک ختم ہو جائیں گے انہوں نے کہا کہ چین کی 16 ارب ڈالر‘ ترکی کے ڈیڑھ ارب ڈالر اور سعودی عرب کے ڈیڑھ ارب ڈالر سے جو ترقیاتی اور دیگر منصوبہ جات پر کام شروع کیا گیا ہے اس کے بہت جلد خاطر خواہ نتائج برآمد ہونگے 30 لاکھ سے زائد بے روزگاروں کو ملازمتیں فراہم کی جائیں گی جس سے ملک سے بیروزگاری کا خاتمہ ہو جائے گا۔ انہوں نے کہا بعض طاقتیں اور ”را“ کے ایجنٹ اور کئی ایسے ممالک جو پاکستان کو پھلتا پھولتا دیکھنا نہیں چاہتے وہ پاکستان میں موجود اپنے ایجنٹوں کے ذریعے ملک میں انتشار پھیلانے کی کوشش میں مصروف ہیں۔ انہوں نے کہا کہ کراچی میں حال ہی میں رینجرز اور فوج نے جو کارروائی کی تھی اس کے خاطر خواہ نتائج برآمد ہوئے تھے۔ ٹارگٹ کلنگ‘ بھتہ خوری اور دیگر اس قسم کی سنگین نوعیت کی وارداتوں پر کافی حد تک قابو پا لیا گیا تھا اور اس دوران ”را“ کے ایجنٹوں کو بھی گرفتار کیا گیا تھا مگر ہمارا ہمسایہ ملک بھارت جو کہ را ایجنٹوں کے ذریعے کراچی اور بلوچستان اور دیگر علاقو ں میں ایسی کارروائیاں کرنا چاہتا ہے جس سے پاکستان دنیا بھر میں نمایاں مقام حاصل نہ کر سکے۔ انہوں نے مزید کہا کہ پاکستان عوام نے تہیہ کر رکھا ہے کہ وہ وزیراعظم اور مسلح افواج کے شانہ بشانہ ہو کر نہ صرف دہشت گردی کا خاتمہ کرینگے بلکہ ایسے عناصر جو ملک دشمن ہیں اور ملک کی ترقی کی راہ میں رکاوٹ ڈال رہے ہیں انہیں بھی کیفر کردار تک پہنچایا جائے گا۔
ملک کو در پیش تمام بحران آ ئندہ سال ختم ہو جائیں گے، عابد شیر علی کا دعویٰ
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































