اسلام آباد(نیوز ڈیسک)گھوٹکی میںکھیل کے دوران دستی بم پھٹنے سے 2 بچے جاں بحق اورایک زخمی ہوگیا ،زخمی بچے کو تحصیل ہیڈکوارٹر ہسپتال منتقل کر دیا گیا جہاں بچے کی حالت تشویشناک بتائی جاتی ہے۔تفصیلات کے مطابق جمعہ کے روز گھوٹکی کے علاقے صیفل کولاچی میں 3 بچے دستی بم کو کھلونا سمجھ کر کھیل رہے تھے کہ اچانک بم زور دار دھماکے سے پھٹ گیا جس کے نتیجے میں ایک بچہ موقع پر ہی جاں بحق ہوگیا جبکہ 2 بچوں کو زخمی حالت میں فوری طور پر ٹی ایچ کیوہسپتال منتقل کیا گیا جہاں پر ایک اور بچہ زخموں کی تاب نہ لاتے ہوئے چل بسا جبکہ تیسرا بچے کو طبی امداد فراہم کی جارہی ہے تاہم تیسرے بچے کی حالت بھی تشویشناک بتائی جارہی ہے ۔پولیس نے نامعلوم دہشت گردوں کے خلاف مقدمہ درج کر کے گرفتاری کیلئے علاقے میں سرچ آپریشن شروع کر دیا ہے تاہم آخری ملنے تک کسی کی گرفتاری عمل میں نہیں آ سکی ۔