اسلام آباد(نیوز ڈیسک)وزارت سمندر پار پاکستانیز و انسانی ترقی کے ذیلی ادارے ورکرز ویلفئیرفنڈ میں لاکھوں روپے کرپشن کیے جانے کا انکشاف ہواہے ،وزارت سمیت ڈبلیوڈبلیوایف کے افسران نے چمک کے سامنے خاموشی اختیا رکر لی ہے۔ڈبلیوڈبلیوایف سے ملنے والی درخواست میں معلوم ہوا ہے ڈیپوٹیشن پر تعینات اسسٹنٹ ڈائریکٹر راشد منیر نے غیر قانونی طور پر اپنی بیوی کو کنٹریکٹ پر نہ صرف اٹھارہ سکیل میں بھر تی کروایا بلکہ ادارے کی جانب سے غیر قانونی سہولیات سے بھی نوازا گیا ہے ،گاڑی ، فیول ، گھر کا قرضہ لیا گیا ہے جو کہ غیر قانونی ہے ،ادارے کے ورکرز نے ایک درخواست میں وفاقی وزیر سے اپیل کی ہے کہ کرپٹ آفیسر ادارے میں ڈیپوٹیشن کا اہل ہی نہیں ہے مگر اسے تعینات اس لیے کیا گیا ہے کہ انکی کرپشن سے دیگر افسران بھی مستفید ہو رہے ہیں۔موقف جاننے کے لیے وزارت کے ترجمان جوائنٹ سیکرٹری ایچ آر ڈی اصف شیخ نے بتایا کہ وزارت میں روزانہ کی بنیا دپر پچاس ایسے کاغذ موصول ہوتے ہیں کوئی اسے درخواست کو ئی رٹ اور میں کاغذکہتا ہوں ایسے کاغذوں کو متطقی انجام تک پہنجانے کے لیے جہاں سے ایسے کاغذ آتے ہیں وہیں انکوائری کے لیے بھیج دیے جاتے ہیں۔سوال کے جواب میں ترجمان نے مزید کہا کہ کرپشن کی نشاندہی ہوتی ہے اور ان پر ڈیپارٹمنٹل ایکشن بھی لیا جاتا ہے