اسلام آباد(نیو زڈیسک)متحدہ قومی موومنٹ کی طرف سے لاتعلقی اور استعفے کا مطالبہ کیے جانے کے بعد گورنر سندھ ڈاکٹرعشرت العباد بھی لاتعلق ہوگئے ہیں اور تاحال ایم کیوایم لندن یا پاکستان کے کسی رہنماءسے رابطہ نہیں کیا۔گورنر ہاﺅس کے ذرائع کے مطابق ڈاکٹر عشرت العباد تاحال اپنا کام جاری رکھے ہوئے ہیں اور متحدہ کے کسی رہنماءسے کسی بھی قسم کا کوئی رابطہ کیا اور نہ ہی تاحال پریس کانفرنس کا کوئی جواب دیا۔ذرائع نے بتایاکہ اگر رابطے کی ضرورت پیش آئی تو گورنر سندھ ایم کیوایم کے قائد الطاف حسین سے رابطہ کریں گے لیکن فی الحال ایسا کوئی پروگرام زیرغور نہیں۔یادرہے کہ گذشتہ شام ایم کیوایم رابطہ کمیٹی کے اراکین کی طرف سے پریس کانفرنس کی گئی جس دوران ڈاکٹرعشرت العباد سے لاتعلقی کا اعلان کرتے ہوئے استعفے کا مطالبہ کیاگیاتھا۔

مزید پڑھیے:نیپال میں ‘پاکستان’ کی پیدائش